Ауа райы
Астана -18 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Семейде көтерме-тарату орталығы салынып жатыр

2020 жылдың 5 желтоқсан 2020 05:24

СЕМЕЙ. ҚазАқпарат – Семей қаласында көтерме-тарату орталығы салынуда, деп хабарлайды ҚазАқпарат тілшісі.

Бүгінде шаһарда «Jolaman» көтерме-тарату орталығының құрылысы қарқынды жүруде.

Республикалық тауар өндірушілер желісін құрудың мемлекеттік бағдарламасы шеңберінде жүзеге асырылып жатқан жобаның құны – 1,5 млрд теңге.

«2025 жылға қарай елімізде 20 көтерме-тарату орталығын салу жоспарлануда. Олардың алғашқы бесеуі биыл пайдалануға беріледі. Семейдегі көтерме-тарату орталығының жалпы жер көлемі 11 га. Бұл Жоламан кенті ауданындағы бұрынғы «Сары» базары. Оның аумағын «Ақшың» корпорациясы сатып алып, ЖСҚ дайындап, құрылысы жұмыстарын бастады. Құрылысқа компания өз қаражатынан 1,5 млрд теңге жұмылдырды. Ал 473 млн теңге «Даму» қорының қолдауымен «ЦентрКредит» банкінен несие ретінде берілді», - деп хабарлады қалалық ақпарат орталығы.

Былтыр жазда басталған құрылыс жұмыстары қазіргі уақытта аяқталуға жақын. Бүгінгі күні онда қуаттылығы тәулігіне 50 ірі қара мал соятын қасапхана жұмыс істеуде.

Орталықтың құрылысы аяқталған кезде көтерме-тарату қоймалары, кросс-док, тоңазытқыш және мұздатқыш камералар іске қосылады.

Тәуелсіздік күні 200 орындық жәрмеңке ұйымдастыру жоспарланған. Бұл жерде аймақтағы тауарөндірішулер өз өнімдерін сататын болады.










Жоғары қарай