Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Семейде өрт сөндірушілер жалын шарпыған дүкеннен 6 газ баллонын шығарып үлгерді

2021 жылдың 30 шілде 2021 11:51

СЕМЕЙ. ҚазАқпарат – Семей қаласында өрт сөндірушілер жалын шарпыған дүкеннен 6 газ баллонын сыртқа шығарып үлгерді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, Гагарин көшесіндегі дүкенде шатырдың ағаш құрылымдары мен нан пісіретін электр пеші өртенген. Оқиға орнына өрт сөндірушілер шұғыл келіп жетті.

«Тілсіз жаудың жалпы ауданы 15 шаршы метрді құраған. Қызыл жалынды ауыздықтау барысында құтқарушылар дүкеннен 6 газ баллонын сыртқа алып шықты. Зардап шеккен ешкім жоқ», - деп хабарлады ведомство өкілдері.




Өртті өшіруге жеке құрамнан 13 адам мен 3 техника жұмылдырылған. От электр жабдықтарын пайдалану кезінде өрт қауіпсіздігі талаптарының сақталмауынан шығуы мүмкін.





Жоғары қарай