Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Семейде суға батып бара жатқан 16 жастағы жасөспірімді сарбаздар құтқарып қалды

2021 жылдың 26 шілде 2021 12:36

СЕМЕЙ. ҚазАқпарат – Семей қаласында әскери қызметшілер суға батып бара жатқан 16 жастағы жасөспірімді құтқарып қалды, деп хабарлайды ҚазАқпарат.

ШҚО Төтенше жағдайлар департаменті баспасөз қызметінің мәліметіне сүйенсек, 25 шілдеде № 68303 әскери бөлімінің қызметшілері Ертіс өзенінің жағалауын қайықпен және жаяу патрульдеп жүрген. Кенет олар суға құлаған 16 жастағы жігітті қатты ағын алып кеткенін байқап қалды.

«Сағжан Мұхтаров құтқару кеудешесін киіп, өзін арқанмен байлап, көмекке ұмтылды. Қауіпсіздік мақсатында оның әріптестері Азамат Молдашев, Талғат Қоқабаев және Мейір Қазбекұлы арқанды ұстап, қайықпен жүзіп отырды. Сөйтіп олар жасөспірімге жеткен Сағжан Мұхтаровты арқанмен тартып судан шығарды», - деп хабарлады ведомство өкілдері.

Осы ретте, департамент мамандары өңір жұртшылығын су айдындарында қауіпсіздік ережелерін қатаң сақтауға, жабдықталмаған жерлерде шомылмауға шақырады.


Жоғары қарай