Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Сенаторлар Асхат Нұсқабайдың қайтыс болуына байланысты көңіл айтты

2021 жылдың 18 шілде 2021 15:48

НҰР-СҰЛТАН. ҚазАқпарат - Сенат төрағасы Мәулен Әшімбаев өзінің және Сенат депутаттарының атынан ТМД Парламентаралық Ассамблеясы Кеңесі Бас хатшысының орынбасары – Қазақстан Республикасы Парламентінің уәкілетті өкілі Асхат Нұсқабайдың мезгілсіз қайтыс болуына байланысты оның туған-туыстары мен жақындарына көңіл айтты.

Сенат спикері көңіл айту жеделхатында дипломат әрі мемлекет қайраткерінің ерен еңбегін атап өтті.

«Асхат Жарылқасынұлы Нұсқабай ұзақ уақыт Сыртқы істер министрлігінің жүйесінде жұмыс істеді. Ол біздің еліміздің консулдық қызметін дамытуға елеулі үлес қосты. Оның парламентаралық ынтымақтастықты нығайту жөніндегі жұмысы жоғары бағаға лайық», - делінген жеделхатта.

Еске сала кетейік, біз бұған дейін дипломат Асхат Нұсқабайдың өмірден өткенін жазған болатынбыз.


Жоғары қарай