Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Сенатта түркі мемлекеттері ынтымақтастығын тереңдету мәселелері талқыланды

2021 жылдың 23 қараша 2021 11:16

НҰР-СҰЛТАН. ҚазАқпарат - Қазақстан Парламенті Сенаты Төрағасының орынбасары Асқар Шәкіров түркітілдес елдер Парламенттік Ассамблеясының жаңадан тағайындалған Бас хатшысы Мехмет Сурейя Эрмен кездесті, деп хабарлайды ҚазАқпарпат.

Тараптар Түркітілдес мемлекеттер ынтымақтастығы кеңесінің Түркітілдес мемлекеттер ұйымы болып қайта аталуын және «Түркі әлемінің келешегі-2040» тұжырымдамалық құжатының қабылдануын құптады.

Кездесу барысында парламентшілердің түркі мемлекеттері арасындағы ынтымақтастықты одан әрі тереңдетуді көздейтін Түркістан декларациясының негізгі тармақтарын іске асырудағы жұмысына қарқын беру қажеттігі атап өтілді. Сондай-ақ Қазақстанның ТүркПА-ны одан әрі жаңғырту жөніндегі ұсыныстарын мақұлдау, оған қоса Ассамблея хатшылығын нығайту, Ұйым регламентінің жұмысын жетілдіру, штаты мен бюджетін ұлғайтудың маңызды екені аталып өтті.

Сенат Төрағасының орынбасары қазақстандық парламентшілердің осы халықаралық ұйымының жұмысына қатысуының маңызды екеніне тоқталды.


Жоғары қарай