Ауа райы
Астана 22 °С
Алматы 24 °С
валюта бағамы
USD 412.55
EUR 465.73
RUB 5.79
CNY 58.91

Сейсенбіге арналған ауа райы болжамы

2020 жылдың 2 маусым 2020 01:23

НҰР-СҰЛТАН. ҚазАқпарат – Қазгидромет 2 маусымға арналған ауа райы болжамын жариялады, деп хабарлайды ҚазАқпарат.

Қазақстанның солтүстік, солтүстік-батыс және орталық аумақтарында атмосфералық ауа ағындардың өтуіне байланысты құбылмалы ауа райы күтіледі. Кей жерлерде найзағаймен жаңбыр жауады, шығыста бұршақ жаууы ықтимал.

Республиканың қалған аумағында жауын-шашынсыз ыстық ауа райы сақталады. Кейбір солтүстік өңірде қатты жел соғуы ықтимал.

Ақмола, Қостанай, Павлодар, Солтүстік Қазақстан, күндіз Ақтөбе, Қарағанды, Шығыс Қазақстан облыстарының кей жерлерінде жел 15-20 м/с күшейеді.

Шығыс Қазақстан облысында бұршақ жаууы ықтимал, Солтүстік Қазақстан түнде және таңертең тұман күтіледі.

Алматы, Жамбыл, Түркістан, Қызылорда, Атырау облыстарында, Манғыстау, Ақтөбе, Қарағанды облыстарының кей жерлерінде қатты ыстық болады.

Қызылорда облысында, Ақмола, Павлодар, Шығыс Қазақстан облыстарының кей жерлерінде, Жамбыл, Түркістан облыстарының солтүстігінде өте жоғары өрт қаупі сақталады.


Басты сөздер: Қазгидромет, Ауа райы,
Жоғары қарай