Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шайбалы хоккей: Әлем чемпионатында Әлихан Әсетов Қазақстан құрамасының капитаны болады

2021 жылдың 16 мамыр 2021 17:44

НҰР-СҰЛТАН. ҚазАқпарат - Шайбалы хоккейден 2021 жылғы әлем чемпионатының элиталық дивизионында Қазақстан құрамасы капитаны міндетін Әлихан Әсетов атқаратын болды, деп хабарлайды ҚазАқпарат тілшісі.

Ә.Әсетов 1996 жылдың 26 тамызында Өскемен қаласында дүниеге келген. Елордалық «Барыс» командасында 2018 жылдан бері тұрақты түрде ойын көрсетіп келеді. Ұлттық құрама сапында 2017 жылдан бері ел намысын қорғап жүр.

Әлем чемпионатында Роман Старченко мен Даррен Диц вице-капитан міндетін атқарады.

Естеріңізге сала кетелік, әлем чемпионаты Литвада 21 мамыр және 6 маусым аралығында өткізіледі. Қазақстандық хоккейшілер В тобында Канада, Финляндия, АҚШ, Германия, Норвегия, Италия және Латвия құрамаларымен шеберлік байқасады.

Ал А тобында Швеция, Чехия, Швейцария, Словакия, Дания, Беларусь, Ұлыбритания және Ресей бар.

Қазақстан хоккейшілері әлемнің үздік құрамаларымен бірге бес жылдық үзілістен кейін сынға түскелі отыр. Соңғы рет 2016 жылы элиталық дивизионда мұз айдынға шықты.

Автор Әділжан Үмбет
Басты сөздер: Спорт,
Жоғары қарай