Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ішегі қата күліп отырған: Павлодарда автобус жүргізушісі есірткі қабылдап алған

2021 жылдың 27 қараша 2021 23:15

ПАВЛОДАР. ҚазАқпарат – Павлодарда автобус жүргізушісі есірткі қабылдап, рульге отырған, деп хабарлайды ҚазАқпарат Pavlodarnews.kz сайтына сілтеме жасап.

Патрульдік полиция батальонының қызметкерлері Нұрмағамбетов көшесінде бағдаршамға тоқтап тұрған «ПАЗ-32053» автобусы жүргізушісінің оғаш мінезіне назар аударған.

Салонда ешкім болмаса да, жүргізуші қолдарын ербеңдете бұлғап, шегі қата күліп, үнемі айналасына жалтақтаумен болған. Полицейлер тексеру үшін автобусты тоқтатты.
Облыстық Полиция департаментінің мәліметіне сәйкес, медициналық куәландыру жүргізушінің есірткіге елітіп алғанын растады.
Жүргізушінің айтуынша, ол ауырып тұрғандықтан, есірткіні ауырсынуды басу үшін қабылдап алған.
Жүргізушіге қатысты ҚР ӘҚБтК 608-бабының 1-бөлігі бойынша әкімшілік іс қозғалды.
Көлік құралы арнайы айып тұрағына қойылды. Материал сотта қаралып, сот қаулысымен жүргізуші 7 жыл мерзімге көлік құралдарын басқару құқығынан айырылды, сондай-ақ 15 тәулік мерзімге әкімшілік қамауға алынды.
Айта кетейік, биыл мас күйінде көлік жүргізгені үшін облыста 1310 жүргізуші әкімшілік жауапкершілікке тартылды.


Жоғары қарай