Ауа райы
Астана 8 °С
Алматы 11 °С
валюта бағамы
USD 412.55
EUR 468.66
RUB 5.79
CNY 58.80

ШҚО-да 48 мың оқушыға мектеп формасы тегін беріледі

2020 жылдың 11 тамыз 2020 18:10

ӨСКЕМЕН. ҚазАқпарат – Шығыс Қазақстан облысында аз қамтылған және көпбалалы отбасылардан шыққан оқушылар мектеп формасымен толықтай қамтамасыз етіледі, деп хабарлайды ҚазАқпарат тілшісі.

ШҚО әкімі Даниал Ахметовтың айтуынша, мұқтаж отбасылардағы әрбір бала назардан тыс қалмайды.

«20 тамызға дейін 48 мың оқушы мектеп формасымен тегін қамтамасыз етіледі. Сондай-ақ осы категориядағы балаларға аяқ киім берілмек. Биылғы оқу жылынан бастап аз қамтылған және көпбалалы жанұялардан шыққан 3 764 бүлдіршін балабақшаға еш ақысыз барады», - деді ол әлеуметтік желідегі тікелей эфир барысында.

Бұдан бөлек, 21 524 оқушы қоғамдық көліктерде тегін жүретін болады. 1,6 мың балаға нарықтағы сұранысқа ие техникалық мамандықтар бойынша тегін білім алуға мүмкіндік жасалып отыр. Сонымен қатар осы санаттағы балалар жоғары оқу орындарында облыс әкімінің гранты аясында білім алмақ.

Естеріңізге сала кетсек, осыған дейін ШҚО мектептерінің 58% оқу жылын онлайн бастайтындығы хабарланды.

Сондай-ақ өңірде қашықтан оқыту мақсатында қосымша 36 мың компьютер сатып алынбақ.


Жоғары қарай