Ауа райы
Астана -22 °С
Алматы -9 °С
валюта бағамы
USD 421.58
EUR 496.83
RUB 5.53
CNY 62.20

ШҚО-да банк менеджері 4,5 млн теңге қаржыны иемденген

2020 жылдың 3 тамыз 2020 20:05

ӨСКЕМЕН. ҚазАқпарат - Шығыс Қазақстанда банк менеджерінен 80-нен астам тұрғын зардап шеккен, деп хабарлайды ҚазАқпарат тілшісі ШҚО Полиция департаментінің баспасөз қызметіне сілтеме жасап.

Ведомстводан мәлім еткендей, Өскемен қалалық полиция басқармасында лауазымын асыра пайдаланып, ұрлық жасады және алаяқтықпен айналысты деген күдікпен 28 жастағы тұрғынға қатысты қылмыстық іс өндірісі аяқталды.

«Күдікті банк бөлімшесінде банк карталары жөніндегі менеджер қызметінде 3 жылдан астам уақыт жұмыс істеген. Ол банк клиенттеріне төлем карталары бойынша қызмет көрсетіп келген», - деп түсіндірді облыстық полиция департаментінен.

Полиция қызметкерлері күдіктінің қызметтік лауазымын пайдалана отырып, клиенттердің ақшалай қаражатын өз шотына аударып келген, сондай-ақ клиенттерге жалған ақпарат бере отырып, банктің 89 клиентіне қатысты бірқатар қылмыс жасаған.

«Тергеу барысында 4 500 000 теңгеге қатысты арыз түсті», - ШҚО ПД бастығының міндетін атқарушы Жанболат Қалетаев.

Айта кетейік. Қылмыстық іс өндірісі аяқталып, сотқа жіберілді.


Авторы Орал Ерланұлы


Жоғары қарай