Ауа райы
Астана -5 °С
Алматы 10 °С
валюта бағамы
USD 375.87
EUR 406.24
RUB 5.84
CNY 53.45

ШҚО-да көлік апатынан 4 адам қаза тапты

2020 жылдың 17 қаңтар 2020 14:24

ӨСКЕМЕН. ҚазАқпарат - Шығыс Қазақстан облысы Көкпекті ауданында екі көлік соқтығысып, 4 адам көз жұмған, деп хабарлайды ҚазАқпарат.

Жол-көлік оқиғасы 16 қаңтар күні сағат 16.00-де Көкпекті-Қалбатау тасжолының 20 шақырымында орын алған.

«Тойота Хайландер» және «ВАЗ 21122» маркалы екі автокөлік соқтығысқан. Салдарынан «ВАЗ 21122» көлігінің жүргізушісі мен 3 жолаушысы сол жерде тіл тартпай кетті. Осы көлікте аман қалған 1 адам және «Тойота Хайландер» көлігінің жүргізушісі мен кәмелеттік жасқа толмаған 2 бала ауруханаға жеткізілді» – дейді ШҚО Полиция департаменті басшысының орынбасары Елдос Закимов.

Қазіргі уақытта аталған факті бойынша ҚР ҚК-нің 345-бабы 4-бөлігімен қылмыстық іс қозғалды. Тәртіп сақшылары оқиғаның мән-жайын анықтауда.

Талғатжан Мұхаметбекұлы


Жоғары қарай