Ауа райы
Астана 28 °С
Алматы 34 °С
валюта бағамы
USD 412.55
EUR 468.66
RUB 5.79
CNY 58.80

ШҚО-да құтқарушылар жол апатында қираған көліктен екі адамды алып шықты

2020 жылдың 14 маусым 2020 22:18

ӨСКЕМЕН. ҚазАқпарат – Шығыс Қазақстан облысында құтқарушылар жол апатынан зардап шеккендерге көмек көрсетті, деп хабарлайды ҚазАқпарат тілшісі.

ШҚО ТЖД баспасөз қызметінің мәліметінше, жуықта Ұлан ауданы Донское ауылында жол апаты болған. Полиция қызметкерлері апатқа түскен көліктен зардап шеккендерді шығару үшін құтқарушыларды көмекке шақырды.

«Ауыр жарақат алған екі ер адам қысылып қалмаған. Бірақ қираған көліктен шығу қиындап кеткен. Құтқарушылар оларды сыртқа шығарып, алғашқы медициналық көмек көрсетті. Оқиға орнына Апаттар медицинасы орталығының дәрігерлері келіп жеткенше жарақаттанған тағы екі азаматқа алғашқы көмек көрсетілген», - деп хабарлады ведомство өкілдері.

Айта кетейік, түрлі жарақат алған барлық зардап шеккендер көп ұзамай келген медицина қызметкерлеріне тапсырылды.


Жоғары қарай