Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ШҚО-да вакцина салдыру көрсеткіші бойынша қай аудандар көш бастап тұр

2021 жылдың 18 қазан 2021 10:50

ӨСКЕМЕН. ҚазАқпарат – Шығыс Қазақстан облысында коронавирусқа қарсы вакцина алғандар саны күн сайын артып келеді, деп хабарлайды ҚазАқпарат тілшісі.

ШҚО әкімдігінің мәліметіне сүйенсек, 18 қазандағы жағдай бойынша өңір жұртшылығы арасында COVID-19 инфекциясына қарсы екпенің бірінші компонентін алғандар үлесі – 81,2% пайызды құрап отыр. Ал жалпы халықтың 68,1 пайызы вакцинаның екі компонентін де салдырған.

Вакцинаның екі компонентін салдыру көрсеткішінде Бесқарағай (тұрғындардың 91,3 пайызы), Үржар (90,5%) және Абай (87,2%) аудандары алдыңға қатарда. Ал ең төменгі орында – Шемонаиха ауданы тұр (53,7%). Сондай-ақ Өскемен қаласында халықтың 58,4 пайызы ғана екпенің екі компонентін алған.

Соңғы тәулікте Шығыс Қазақстанда 103 адам қауіпті дертке шалдыққан. Бүгінгі таңда облыс вирус жұқтыру көрсеткіші бойынша «сары аймақта» тұр.


Жоғары қарай