Ауа райы
Астана 8 °С
Алматы 20 °С
валюта бағамы
USD 421.58
EUR 496.83
RUB 5.53
CNY 62.20

ШҚО энергетиктері ауруханаларға гуманитарлық көмек көрсетті

2020 жылдың 13 тамыз 2020 15:37

ӨСКЕМЕН. ҚазАқпарат – Шығыс Қазақстан облысының энергетиктері коронавирус пандемиясы кезінде медицина қызметкерлеріне қолдау көрсетті, деп хабарлайды ҚазАқпарат тілшісі.

ШҚО Ақпарат орталығының мәліметіне сүйенсек, «Шығыс Қазақстан АЭК» АҚ мен «Шығысэнерготрейд» ЖШС бірлесіп облыс ауруханаларына жеке қорғаныс құралдарын табыс етті. Жалпы салмағы 200 келі болатын гуманитарлық көмек ішінде 400 халат, 18500 медициналық маска, 50 дана қорғаныс экраны бар.

«Қазіргі қиын жағдайда коронавирус індетімен күресіп жатқан денсаулық сақтау саласының қызметкерлеріне қолдау көрсету тек мемлекеттің ғана емес, қоғамның да міндеті. Біз олардың жұмысына алғыс білдіре отырып, осы гуманитарлық көмекті табыс етіп отырмыз», – деді «ШҚ АЭК» АҚ Басқарма төрағасы Ерлан Мақанов.

Аталмыш көмек жуық арада Шығыс Қазақстанның ауруханаларына таратылатын болады.





Жоғары қарай