Ауа райы
Астана 20 °С
Алматы 25 °С
валюта бағамы
USD 412.55
EUR 468.66
RUB 5.79
CNY 58.80

Шоқпар стансасында 2 вагонның рельстен шығып, өртенуіне қатысты комиссия құрылды

2020 жылдың 30 маусым 2020 12:04

НҰР-СҰЛТАН. ҚазАқпарат - Жамбыл облысы Шоқпар стансасындағы рельстен шығып, аударылған, сосын өртенген цистернаға қатысты арнайы комисся құрылды. Бұл жөнінде «Қазақстан темір жолы» АҚ баспасөз қызметі мәлімдеме жасады.

Естеріңізге сала кетейік, бүгін түнде Шоқпар стансасында 45 км/сағ жылдамдықпен 2-ші жолға келген жүк пойызының 2 вагон-цистернасы жолдан шығып кеткен болатын. Цистернаның меншік иесі - «HOLDING» ЖШС. Содан кейін цистернадан аққан бензиннен өрт шыққан.

«Габарит бар. Бензиннің жануына байланысты пойыздардың қозғалысы тоқтатылды. Құрбан болғандар мен зардап шеккендер жоқ. 6 жолаушы пойызы жолдан қалды. 03.40 минутта өрт сөнді» делінген хабарламада.

Алдын ала болжам бойынша, апаттың шығу себебі - цистернаның доңғалақ жұбы осінің ортаңғы бөлігінің сынып кетуі.

Оқиғаны тергеу бойынша арнайы комиссия құрылды.


Жоғары қарай