Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстан облысында 2 адам суға кетті

2021 жылдың 17 маусым 2021 22:38

ӨСКЕМЕН. ҚазАқпарат – Шығыс Қазақстан облысында екі адам суға батып кетті, деп хабарлайды ҚазАқпарат тілшісі.

ШҚО төтенше жағдайлар департаменті баспасөз қызметінің мәліметіне сүйенсек, 17 маусым күні екі бірдей қайғылы жағдай болған.

«Күршім ауданындағы Зайсан көлінде 1995 жылғы жігіт суға кетті. Қайық аударылып түскенде ол жүзе алмағандықтан судан шыға алмай қалған. Екінші оқиға Шемонаиха ауданында болды. 14 жастағы жасөспірім достарымен бірге тереңдігі 1 метр 20 сантиметрге жететін карьерге жиналып қалған қар суына шомылып жүрген. 2 метрдей биіктіктен суға секірген бала жүзіп шыға алмай қалып, сол жерде жантәсілім етті», - деп хабарлады ведомство өкілдері.

Осы ретте департамент мамандары өңір жұртшылығына арнайы жабдықталмаған су айдындарында шомылудан аулақ болуға шақырады.





Жоғары қарай