Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Шығыс Қазақстанда бірегей археология музейі ашылады

2021 жылдың 24 желтоқсан 2021 22:10

ӨСКЕМЕН. ҚазАқпарат – Шығыс Қазақстан облысы Ұлан ауданында бірегей археология музейі ашылмақ, деп хабарлайды ҚазАқпарат тілшісі.

Бестерек ауылында бой көтеретін жаңа музейдің құрылыс жұмыстары аяқталуға жақын. Бұл елді мекен кездейсоқ таңдалған жоқ.

Өйткені дәл осы жерде атақты қазақстандық археолог Зейнолла Самашев дүниеге келген.

«Археология саласында сенсациялық жаңалықтар ашқан Зейнолла Самашев Берел қорғандарынан, Елеке сазы жайлауынан және Ақбауыр шатқалынан табылған бірегей олжалармен көпке танымал. Ол Шығыс Қазақстандағы ғылыми-зерттеу жұмыстарының дамуына зор үлес қосып келеді. Осы сирек жәдігерлермен қалың жұртшылықты таныстыру үшін музей салу туралы шешім қабылданған», - деді Ұлан ауданының әкімі Ренат Құрмамбаев.

Сондай-ақ бұл археология музейі ғалымдардың семинарлар мен кездесулер өткізетін, ғылыми жұмыстарын ұсынатын орынға айналмақ.

Музей құрылысына биыл 170 миллион теңге қаражат бөлінген.


Жоғары қарай