Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстанда көктайғақ: Күре жолда көлік қозғалысы шектелді

2021 жылдың 25 қараша 2021 18:32

ӨСКЕМЕН. ҚазАқпарат – Шығыс Қазақстан облысында көктайғаққа байланысты тасжолда көлік қозғалысы шектелді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 25 қараша күні сағат 16:30-дан бастап ауа райының нашарлауына (жаңбыр мен көктайғақ) байланысты «Өскемен-Риддер-РФ шекарасы» тасжолының 15-105 шақырымында көлік қозғалысы шектелді. Бұл Белоусовка кенті мен Риддер қаласы арасындағы жол.

«Аталған учаскеде тіркемесі және жартылай тіркемесі бар жүк көліктерінің қозғалысына шектеу енгізілді. Төтенше жағдайларды болдырмау мақсатында көлік иелеріне алыс сапарға шықпауға кеңес беріледі. Оқыс жағдай орын алса, 1403 нөмірі бойынша тәулік бойы жұмыс істейтін call-орталыққа хабарласуға болады», - делінген ақпаратта.


Жоғары қарай