Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстанда коронавирус жұқтырғандар саны азайып келеді

2021 жылдың 13 қазан 2021 17:32

ӨСКЕМЕН. ҚазАқпарат – Шығыс Қазақстан облысында коронавирус жұқтырғандар саны азайып келеді, деп хабарлайды ҚазАқпарат тілшісі.

Аймақ басшысы Даниал Ахметов қала және аудан әкімдерімен коронавирусқа байланысты ахуал бойынша кезекті кеңес өткізді.

Әкімнің айтуынша, көрші елдерде науқастардың саны артып, өлім-жітім деңгейі өскен. Алайда облыста қауіпті дертке шалдыққандар саны күн сайын азайып келеді.

«Соңғы тәулікте Шығыс Қазақстанда вирус жұқтырған тұрғындар саны жүзден аз болды. Бұл індетке қарсы күресте бар күш-жігерін салып жатқан дәрігерлер мен жауапты мамандар жұмысының арқасы. Егер жағдай осы қалыптан таймай, ары қарай реттелсе, өңір «жасыл аймаққа» өтуі мүмкін», - деді ол.

Өз сөзінде Даниал Ахметов вакцинаның коронавирустан құтылудың жалғыз тиімді жолы екендігін еске салып, қала, аудандарда осы бағытта жұмысты күшейту керектігін жеткізді.


Жоғары қарай