Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Шығыс Қазақстанда орманда адасып кеткен 61 жастағы ер адам табылды

2022 жылдың 10 қаңтар 2022 22:10

ӨСКЕМЕН. ҚазАқпарат – Шығыс Қазақстан облысында орманда адасып кеткен 61 жастағы ер адам табылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 9 қаңтарда сағат 21.00-шамасында құтқарушыларға 61 жастағы ер адамның «Боровлянка» демалыс базасына қарай жылқысын іздеуге шығып, сол күйі хабар-ошарсыз кеткені туралы хабар түскен.

Озерки ауылынан екі туысы атқа мініп алып оны іздеуге шыққан.

«Көп ұзамай ТЖД қызметкерлері көмекке келіп жетті. Олар Новопокровка ауылынан 5 шақырымдай жердегі орманнан ер адамды тауып алды. Құтқарушылар оны үйіне жеткізді. Азамат медициналық көмекке мұқтаж болған жоқ», - деп хабарлады ведомство өкілдері.

Осы ретте, департамент мамандары өңір жұртшылығына дауылды ескерту кезінде алыс жолға шықпау қажеттігін ескертеді.


Жоғары қарай