Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шымкентте дендропарк аймағында көлігімен жүрген жүргізуші жазаланды

2021 жылдың 22 сәуір 2021 00:43

ШЫМКЕНТ. ҚазАқпарат – Шымкентте дендропарк аумағында көлігімен жүрген жүргізушіге 15 айлық есептік көрсеткіш көлемінде айыппұл салынды, деп хабарлайды ҚазАқпарат қалалық Полиция департаментінің баспасөз қызметіне сілтеме жасап.

«Биылғы жылдың 21 сәуірі күні әлеуметтік желілерде дендропаркте жолаушылары бар көліктің кетіп бара жатқаны туралы видео тарады. Аталған факті бойынша, Шымкент қалалық Полиция департаментінің патрульдік полиция полкінің қызметкерлері тексеру жүргізді. Тексеру нәтижесінде көлік жүргізушісінің кім екені анықталып, ҚР Әкімшілік құқықбұзушылық туралы Кодексінің 1 бабы 596 тармағы негізінде (Жаяу жүргіншілерге арналған жолмен жүру, жол жүру ережесін бұзу) әкімшілік хаттама толтырылды. Аталған бапқа сәйкес, жүргізушіге 15 айлық есептік көрсеткіш көлемінде айыппұл салынды»,-деп мәлім еті Шымкент қалалық полиция департаментінің өкілдері.


Басты сөздер: Аймақ, Заң, Көлік, Шымкент,
Жоғары қарай