Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Шымкентте интернет-алаяқтықпен айналысқан киберқылмыстық топ ұсталды

2022 жылдың 19 мамыр 2022 12:03

ШЫМКЕНТ. ҚазАқпарат – Қазіргі таңда полицейлер бес адамнан тұратын қылмыстық топқа алданғандар елдің әр өңірінде бар екенін мәлімдеді. Олардың тарапынан келтірілген шығын көлемі анықталып жатыр, деп хабарлайды ҚазАқпарат тілшісі.

Қылмыстық топтың әр мүшесінің өзіндік «міндеттері» болған. Бірі – алаяқтықтың ұйымдастырушысы, басқалары банк немесе кез келген қаржы ұйымы операторларының рөлін атқарған, ал үшінші мүшесі банкоматтардан түскен ақшаны шешіп отырған.

Жәбірленушілердің айтуынша, алаяқтар өздерін банктің қауіпсіздік қызметінің қызметкері ретінде сенімді түрде таныстырып отырған.

Мәселен, жергілікті тұрғынға «банк қызметкері» қоңырау шалып, азаматтың атынан несие рәсімдегелі жатқанын хабарлаған. Содан бұл әрекетті болдырмау үшін қоңырау шалушы тұрғыннан қажетті ақпараттар: банк картасының мәліметтерін, SMS-кодын және тағы басқа деректерді біліп алған. Кейін қала тұрғыны оның атынан екі млн теңгеге несие рәсімделгенін білген.

Ал, кейбір жәбірленушілерге қаскүнемдер карточкасынан біреулер үлкен сомада ақша аудармақшы екендігін айтып, өз қаражатын сақтап қалу үшін аталған шот нөміріне бар ақшаны аудару керектігін жеткізген. Банктің жалған қызметкерлерінің нұсқауларын Әл-Фараби ауданының тұрғыны да орындаған, содан ол шамамен төрт млн теңге көлемінде қаржысынан айырылған.

Жедел іс-шаралар нәтижесінде, тәртіп сақшылары банкоматтардан қолма-қол ақшаны алу міндеті жүктелген күдіктілердің бірінің ізіне түскен. Ол арқылы жедел уәкілдер тағы екеуін ұстаған. Қалған екеуі Ресей Федерациясы аумағында ұсталып, Қазақстанға экстрадициялау жұмыстары жүргізілуде. Тексеру барысында күдіктілерден 46 банк карточкасы, алты ұялы телефон және 20 SIM-карта анықталып, тәркіленген.

Айта кетейік, биыл Шымкент қаласының Полиция департаментінде арнайы жедел-тергеу тобы құрылды, оның құрамына тәжірибелі жедел уәкілдер мен тергеушілер кіреді. Бүгінгі таңда топ 94 интернет-қылмысты ашты.



Автор Қайрат Зайнишев
Басты сөздер:
Жоғары қарай