Ауа райы
Астана -24 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Шымкенттен шыққан тікұшақ Каспий жағалауында өртенген қамысты сөндіруге кірісті

2020 жылдың 5 қыркүйек 2020 21:21

АТЫРАУ. ҚазАқпарат - «Қазавиақұтқару» АҚ-ның тікұшағы бүгін таңертең Шымкент қаласынан ұшып шығып, Атырау облысына жетіп Каспий жағалауында жанып жатқан қамысты сөндіруге кірісті, деп хабарлайды ҚазАқпарат ТЖК баспасөз қызметіне сілтеме жасап.

Естеріңізге сала кетейік, Атырау қаласынан 30-40 шақырымда Каспий теңізінің жағалауында қамыс жанып жатыр. Қопаның арасында бірнеше жерде өрт шыққан.

Қамыс биік әрі арасы батпақ болғандықтан ондағы өртті сөндіру қиын болып тұр. Осыған байланысты арнайы техника өрт ошақтарына жетуге алмайды.

Қазір өрт шыққан тұстар анықталып жатыр. Одан елді мекендерге қауіп төнген жоқ.






Жоғары қарай