Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Синоптиктер 13 өңірде ескерту жариялады

2022 жылдың 25 мамыр 2022 18:41

НҰР-СҰЛТАН. ҚазАқпарат – «Қазгидромет» РМК 26 мамырда ауа райының нашарлауына байланысты бірнеше өңірде ескерту жариялады, деп хабарлайды ҚазАқпарат.

Атап айтқанда, Нұр-Сұлтан қаласында күннің екінші жартысында найзағай күтіледі. Оңтүстік-шығыстан жел соғады, найзағай кезінде екпіні 15-20 м/с артады.

Күндіз Түркістан облысының тауларында найзағай, дауыл болады. Облыстың солтүстігінде, батысында шаңды дауыл соғады. Күндіз желдің күші 25 м/с жетеді.

Күндіз Шымкент қаласында оңтүстік-батыстан соққан жел солтүстік-батысқа ауысып, жылдамдығы 15-20 м/с артады.

Шығыс Қазақстан облысының Жарма ауданында төтенше өрт қаупі сақталады.

Күндіз Ақмола облысының солтүстік-батысында, оңтүстігінде найзағай, бұршақ, шаңды дауыл болжанады. Оңтүстік-шығыстан соғатын желдің екпіні күндіз 23 м/с жетуі ықтимал.

Қызылорда облысының орталығында жел батыстан, солтүстік-батыстан соғады, күші 15-20 м/с құрайды. Өңірдің орталығында төтенше өрт қаупі сақталады.

Ақтөбе облысының шығысында, оңтүстігінде найзағай, бұршақ күтіледі. Түнде өңірдің батысында, солтүстігінде топырақ бетінде 2 градус үсік күтіледі. Желдің екпіні 15-20 м/с артады.

Күндіз Қостанай облысының басым бөлігінде жаңбыр жауады. Өңірдің орталығында және солтүстік-шығысында қатты жаңбыр күтіледі. Облыстың солтүстік жартысында – найзағай, бұршақ, дауыл, оңтүстігінде, оңтүстік-шығысында шаңды дауыл болжанады. Желдің күші 23-28 м/с жетуі мүмкін.

Түнде Батыс Қазақстан облысының солтүстік-батысы мен солтүстігінде топырақ бетінде 2 градус үсік күтіледі.

Күндіз Қарағанды облысының батысында, солтүстігінде желдің күші 15-20 м/с жетеді. Күндіз 36 градус қатты ыстық болуы ықтимал.

Күндіз Солтүстік Қазақстан облысының солтүстігінде, батысында, оңтүстік-батысында найзағай, дауыл, бұршақ, шаңды дауыл күтіледі. Желдің жылдамдығы 25 м/с артады.

Маңғыстау облысында найзағай, тұман болжанады.

Күндіз Жамбыл облысының солтүстігінде 38 градусқа дейін қатты ыстық күтіледі.


Басты сөздер: Ауа райы, Қазгидромет,
Жоғары қарай