Ауа райы
Астана 31 °С
Алматы 35 °С
валюта бағамы
USD 412.55
EUR 468.66
RUB 5.79
CNY 58.80

Синоптиктер елорда мен бірнеше өңірде ескерту жариялады

2020 жылдың 1 шілде 2020 17:47

НҰР-СҰЛТАН. ҚазАқпарат – «Қазгидромет» РМК ауа райының бұзылуына орай 2 шілдеге бірнеше өңірде ескерту жариялады, деп хабарлайды ҚазАқпарат.

Атап айтқанда, Нұр-Сұлтан қаласында күндіз кей уақыттарда қатты жаңбыр жауып, бұршақ, найзағай күтіледі. Солтүстік-шығыстан жел соғады, екпіні - 15-20 м/с.

Жамбыл облысының кей жерлерінде найзағай, дауыл күтіледі. 15-20 м/с күшпен оңтүстік-батыс, батыстан соққан желдің екпіні 23-28 м/с артады. Ал таңертең және күндіз облыстың оңтүстік-батысында жылдамдығы 30 м/с және одан жоғары болады.

Солтүстік Қазақстан облысының басым бөлігінде жаңбыр жауады. Кей жерлерде қатты жауын күтіледі. Сондай-ақ тәулік бойы найзағай, дауыл, бұршақ болжанады. Солтүстіктен жел соғып, күндіз оның күші 15-20 м/с артады.

Қарағанды облысында жаңбыр болады. Кей жерлерде қатты жаңбыр жауады. Сондай-ақ найзағай, бұршақ, дауыл күтіледі. 15-20 м/с екпінмен солтүстік-шығыстан, шығыстан жел соғады. Жылдамдығы 23-28 м/с, кей уақыттарда 30 м/с және одан жоғары болады.

Ақмола облысының кей жерлерінде қатты жаңбыр, найзағай, дауыл, бұршақ күтіледі. Солтүстік-шығыстан жел соғады, кей жерлерде күші 15-20 м/с жетеді.

Қостанай облысының кей жерлерінде найзағай, түнде және таңертең

тұман күтіледі. Солтүстіктен жел соғады, күші күндіз 15-20 м/с артады.

Қызылорда облысында найзағай, дауыл, бұршақ болжанады. Солтүстік-батыстан соққан желдің күші 15-20, екпіні 23-28 м/с күшейеді.

Түркістан облысында найзағай күтіледі. Солтүстік-батыстан жел соғады, кей жерлерде күші 15-20, күндіз 23-28 м/с жетеді.

Шымкент қаласында күндіз найзағай ойнайды. Солтүстік-батыстан жел соғады, екпіні 15-20 м/с.


Жоғары қарай