Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

СҚО-да боран күшейіп, республикалық бағыттағы бірқатар жол жабылды

2021 жылдың 5 наурыз 2021 16:42

ПЕТРОПАВЛ. ҚазАқпарат – Солтүстік Қазақстан облысында боранның кұшеюіне байланысты тағы да бірқатар автомобиль жолдары жабылды, деп хабарлайды ҚазАқпарат тілшісі.

СҚО төтенше жағдайлар департаменті баспасөз қызметінің мәліметінше, ауа райының бұзылуынан көру 50 метрге дейін шектелген, апаттық жағдайға жол бермеу мақсатында сағат 15.00-ден бастап тағы бірқатар республикалық бағыттағы автожолдар жабылды. Олардың қатарында:

- А-16 «Жезқазған-Петропавл» 781-954 км (Сергеевкадан Петропавл қаласына дейін);

- М-51 «РФ Челябі шекарасынан Новосібір қаласының шекарасына дейін» 465-655 км;

- А-21 «Мамлютка-Қостанай» 0-180 км;

- Р-57 «Петерфельд -Архангельск-Новокаменка»

- А-16 «Жезқазған-Петропавл» 0-31 км;

- А-12 «Петропавл-Соколовка-РФ шекарасына дейін (Ишим жағы)» 11-73 км,

-А-13 «Көкшетау-Кишкенекөл-Бидайық-РФ шекарасына дейін (Омбы жағы)» 50-186 км (Ақмола облысының шекарасынан Талшық елді мекеніне дейін);

- Р-62 «Петропавл әуежайына баратын жол» 0-5 км;

- Р-49 «Петропавл айналма жолы» 0-30 км.

СҚО ТЖД бұған дейін сағат 10.15 минут кеткенде боарнға байланысты республикалық маңызы бар жолдардың бар бөлігін жапқан еді.

«Қазгидромет» РМК СҚОФ мәліметінше, қолайсыз ауа райы ертең де сақталмақ.

6 наурыз күні өңірде қар жауып, тұман түседі, кей жерлерде боран соғып, көктайғақ болады.

Оңтүстік-батыстан соққан желдің екпіні секундына 15-20 метрге дейін, түнде 23-28 м/с жетпек.

Осыған байланысты СҚО ТЖД елдімекен аумағынан ұзап шықпауға кеңес береді.


Жоғары қарай