Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

СҚО-да «КамАЗ» көлігі 12 жасар қызды басып кетті

2021 жылдың 14 қыркүйек 2021 15:59

ПЕТРОПАВЛ. ҚазАқпарат – Солтүстік Қазақстан облысында «КамАЗ» жүргізушісі велосипедшілермен соқтығысып, салдарынан 12 жасар қыз мерт болды, деп хабарлайды ҚазАқпарат тілшісі.

Оқыс оқиғаның бейнежазбасы әлеуметтік желіде тарады. Оқырмандардың айтуынша, қаза тапқан велосипедші спорт мектебі жаттықтырушысының қызы болған.

Жол-көлік оқиғасы жайында кейін СҚО полиция департаментінің баспасөз қызметі түсінік берді.

«14 қыркүйек күні сағат 10.00 шамасында Қызылжар ауданы аумағында, «Петропавл-Жезқазған автожолының 953 шақырымында жол-көлік оқиғасы болды. Салдарынан велосипед мінген 12 жастағы қыз жүк көлігінің астына түсті. Апат орнына Қызылжар аудандық полиция бөлімінің жедел-тергеу тобы барды. Анықталғаны, «КамАЗ» көлігінің 31 жастағы жүргізушісі велосипедшілермен бір бағытта Петропавлға бара жатқан. Спорт мектебінің тәрбиеленушілері әуежай жақтан шыққан екен. Оларға ілескен «Газель» көлігі болған», - делінген хабарламада.

Жол-көлік оқиғасының салдарынан қыз бала сол жерде қаза тапты.

Бұл факті сотқа дейінгі тергеп-тексерулердің бірыңғай тізіліміне «Көлік құралдарын жүргізуші адамдардың жол жүрісі немесе көлік құралдарын пайдалану қағидаларын бұзуы» бойынша енгізілді.

Қылмыстық іс аясында барлық тиісті сараптамалар жасалып, апат жағдаяты анықталатын болады.


Жоғары қарай