Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

СҚО-да коронавирус жұқтырған 49 адамның жағдайы ауыр

2021 жылдың 3 тамыз 2021 13:38

ПЕТРОПАВЛ. ҚазАқпарат – Солтүстік Қазақстан облысында өткен тәулікте 147 адам КВИ жұқтырды, қазір өңірде стационарлар 46% толған, деп хабарлайды ҚазАқпарат тілшісі.

СҚО санитариялық-эпидемиологиялық бақылау департаменті баспасөз қызметінің мәліметінше, коронавирус жұқтырғандардың жартысына жуығы Петропавлға тиесілі.

Өткен тәулікте облыс орталығының 76 тұрғыны ауырған. Жалпы соңғы кезде КВИ жұқтырғандардың 90 %-ында ауру белгілері бар.

Облыста өткен жылдың наурызынан бері 18193 адамда коронавирус анықталған. Оның ішінде 775-і – дәрігерлер.

Денсаулық сақтау басқармасы баспасөз қызметінің мәліметінше, қазір өңірдің инфекциялық стационарларында 725 адам ем алып жатыр.

Оның 49-ының жағдайы мүшкіл. Бүгінге дейін қауіпті инфекциядан облыста 60 адам қайтыс болды.


Жоғары қарай