Ауа райы
Астана 28 °С
Алматы 34 °С
валюта бағамы
USD 412.55
EUR 468.66
RUB 5.79
CNY 58.80

СҚО-да құс фабрикасында 100-ге жуық үйрек жанып кетті

2019 жылдың 22 наурыз 2019 21:18

ПЕТРОПАВЛ. ҚазАқпарат - Солтүстік Қазақстан облысы Қызылжар ауданындағы Бескөл ауылында құс фабрикасы өртенді, деп хабарлайды ҚазАқпарат тілшісі.

СҚО Төтенше жағдайлар департаменті баспасөз қызметінің хабарлауынша, «Бескөл құс фабрикасы» ЖШС-дағы өрт туралы «101» телефон нөміріне күндізгі үштер шамасында хабарланған. Оқиға орнына жеткен екі өрт сөндіру бөлімінің мамандары жалынды бір сағатқа жетер-жетпес уақытта толығымен сөндірген. Нәтижесінде 2710 үйрек аман қалды.

Құтқарушылардың айтуынша, өрт тұрмыстық бөлмеден шыққан. Жалпы аумағы - 16 шаршы метр. Алдын ала болжам бойынша, оған электр сымдарының қысқа тұйықталуы себеп болуы мүмкін. Өрт орнынан 100-ге жақын өлі үйрек табылды.

Қазір мамандар өрттің нақты неден шыққанын және келген шығын мөлшерін анықтап жатыр.




null

Жоғары қарай