Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

СҚО тұрғыны әйелін атып өлтірді, немересін жаралады деген күдікпен ұсталды

2021 жылдың 11 мамыр 2021 21:06

ПЕТРОПАВЛ. ҚазАқпарат – Солтүстік Қазақстан облысы Тимирязево елді мекенінде ауыл тұрғыны әйелін атып өлтірді деген күдікпен ұсталды, деп хабарлайды ҚазАқпарат тілшісі.

СҚО Полиция департаменті баспасөз қызметінің мәліметінше, оқиға 10 мамыр күні сағат 17.00 шамасында болған. Тимирязев ауданының полиция бөліміне аудан орталығы Тимирязеводағы үйлердің бірінен атылған оқтың дауысы естілгені туралы қоңырау түскен.

Полицейлер оқиға орнына келіп, үйдің ауласынан 59 жастағы әйелдің денесін тапты. Ал үйде оқ жарақатын алған 14 жастағы қыз болған. Қыз бала Тимирязев аудандық ауруханасына жеткізілді.

59 жастағы үйдің иесі алкогольдік мас күйде әйелімен жанжалдасып, «ИЖ» маркалы қарудан атқан. Салдарынан әйел сол жерде көз жұмған. Үйде бірге болған немересі жарақаттанды.

Аталған факті «Адам өлтіру» бабы бойынша Сотқа дейінгі тергеп-тексерудің бірыңғай тізіліміне енгізілді.

Күдікті уақытша ұстау изоляторына қамауға алынды. Істің мән-жайын жан-жақты тексеруге бағытталған тергеу әрекеттері жүргізіліп жатыр. Нәтижесі бойынша процессуалдық шешім қабылданады.


Жоғары қарай