Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Солтүстік Македонияда сотталған қазақстандық жазасын өз елінде өтей алады

2021 жылдың 24 ақпан 2021 11:40

НҰР-СҰЛТАН. ҚазАқпарат – Парламент Мәжілісінің жалпы отырысында «Қазақстан Республикасы мен Солтүстік Македония Республикасы арасындағы сотталған адамдарды беру туралы шартты ратификациялау туралы» заң жобасы мақұлданды, деп хабарлайды ҚазАқпарат тілшісі.

«Ұсынылып отырған шарттың маңызы ерекше. Ең алдымен, Конституция бекіткен мемлекеттің шетелде жүрген азаматтарын қорғау міндетін орындауға бағытталған. Елімізден тыс жерде қылмыстық жауапқа тартылып, сотталған азаматтарға туған жерінде жазасын өтеуге мүмкіншілік береді», - ҚР Бас Прокурорының орынбасары Марат Ахметжанов.

Оның айтуынша, сотталғандарды беру үшін ол адам екі елдің бірінің азаматы болуы тиіс. Екі елде де қылмыс болып саналатын әрекет үшін сотталса, жазасын өз елінде өтей алады.

Сонымен қатар, сотталған адамның жазбаша келісімі керек.

Бұдан бөлек, құжатта сотталған адам берілметін жағдайлар айқындалған.

Бұдан бұрын хабарланғандай, Мәжілістің жалпы отырысында «Қазақстан Республикасы мен Солтүстік Македония Республикасы арасындағы адамдарды ұстап беру туралы шартты ратификациялау туралы» заң жобасы мақұлданды. https://www.inform.kz/kz/kazakstan-men-soltustik-makedoniya-arasyndagy-adamdardy-ustap-beru-tartibi-anyktaldy_a3756956

Атап айтқанда, Қазақстан мен Солтүстік Македония арасындағы қылмыстық сала мәселелері бойынша шарттардың толық пакеті жасалды.


Жоғары қарай