Ауа райы
Астана -16 °С
Алматы -14 °С
валюта бағамы
USD 421.58
EUR 496.83
RUB 5.53
CNY 62.20

Таразда күшті желден ағаштар құлап, ғимараттың шатыры ұшқан

2020 жылдың 28 қараша 2020 18:33

ТАРАЗ. ҚазАқпарат - Таразда құтқарушылар қалпына келтіру жұмысын жүргізіп жатыр, деп хабарлайды ҚазАқпарат.

28 қарашада кезекші қызметіне күшті желден (екпіні 30 м/с дейін) Тараз қаласы Ниетқалиев көшесіндегі 80 м2 аумақтағы шатыр жабындысының құлағаны жөнінде хабарлама келіп түскен. Бұл жөнінде Жамбыл облысы төтенше жағдайлар департаментінің Instagram парақшасында хабарланды.

Сондай-ақ, Қазыбек би көшесінде және «Арай-2» иініндегі көпқабатты үйлер аумағында тал құлағаны белгілі болды.

Оқиға орнына жедел түрде құтқарушылар шығып, тиісті қалпына келтіру жұмысын жүргізді.

Жарақат алғандар мен зардап шеккендер туралы ақпарат жоқ.









Автор Жанат Қапалбаева
Басты сөздер: Жамбыл облысы, Оқиға,
Жоғары қарай