Ауа райы
Астана -15 °С
Алматы 5 °С
валюта бағамы
USD 421.58
EUR 496.83
RUB 5.53
CNY 62.20

Таразда жасырын казино компьютер клубы ретінде жұмыс істеген

2020 жылдың 26 қазан 2020 15:22

ТАРАЗ. ҚазАқпарат - Тараз қаласында жасырын казино компьютер клубы ретінде жұмыс істеп тұрған, деп хабарлайды ҚазАқпарат тілшісі.

ҚР ҚМ Қаржы мониторингі комитеті баспасөз қызметінің мәліметінше, ведомствоға қарасты Жамбыл облысы бойынша Экономикалық тергеу департаменті қызметкерлері Тараз қаласында орналасқан кафелердің бірінде компьютер клубы ретінде ҚР ойын бизнесі заңнамасының талаптарын бұза отырып, лицензиясыз жасырын казино жұмыс жасағандығын анықтады.

«Жедел-тергеу шаралары нәтижесінде белгісіз азаматтардың заңсыз ойын бизнесін ұйымдастыру дерегі әшкереленді. Тінту барысында сол жерден 25 компьютер, 6 монитор, 4 ойын терминалы және 5 ойын аппараты (слот-машиналар) тәркіленіп алынды. Қазіргі уақытта аталған факт бойынша ҚР ҚК-нің 307-бабына (заңсыз ойын бизнесін ұйымдастыру) сәйкес сотқа дейінгі тергеу ісі тіркеліп, тергеу шаралары жүргізіліп отыр.

Баспасөз қызметінің мәлімдеуінше, Қаржы мониторингі комитеті елімізде заңсыз ойын мекемелерін жою бойынша жұмысты күшейткен. «Стоп-ойын» шарасы аясында 206 заңсыз ойын орнының қызметі шектелген, 7 жасырын казино және 30 букмекер кеңсесі жабылды, заңсыз айналымнан 2 600-ден астам ойын автоматы, терминал мен покер үстелі тәркіленіп алынды.

Айта кетерлігі, заңсыз ойын бизнесіне орын ұсынғаны үшін Қылмыстық кодекстің 307-бабына сәйкес екі жылға бас бостандығынан айыру түріндегі қылмыстық жауапкершілік қарастырылған.


Жоғары қарай