Ауа райы
Астана 22 °С
Алматы 19 °С
валюта бағамы
USD 399.67
EUR 452.95
RUB 5.82
CNY 56.36

Тараздық тұрғыннан 10 келіден астам марихуана тәркіленді

2020 жылдың 31 наурыз 2020 12:45

ТАРАЗ. ҚазАқпарат – Тараз қаласының 42 жастағы тұрғынынан 10 келіден астам марихуана тәркіленді, деп хабарлайды ҚазАқпарат.

Жамбыл облысы Полиция департаменті Есірткі қылмысына қарсы іс-қимыл басқармасының қызметкерлері жүргізген жедел-алдын алу іс-шараларының барысында есірткі заттарын сақтағаны және сатқаны үшін 42 жастағы Тараз қаласының тұрғыны ұсталды. Бұл туралы аталмыш полиция департаментінің баспасөз қызметі хабарлады.

«Сот-химиялық сараптамасының қорытындысына сәйкес, күдіктіден тәркіленген зат – жалпы салмағы 10 келіден астам кептірілген марихуана есірткі заты екені анықталды. Күдікті кінәсін толық мойындап, Тараз қаласы уақытша ұстау изоляторына қамаққа алынды»,-делінген ведомство хабарламасында.

Қазіргі таңда аталған дерекке қатысты ҚР Қылмыстық кодексінің 297-бабы 3-бөлімімен сотқа дейінгі тергеу амалдары жүргізілуде.


Жоғары қарай