Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Александр Бублик Лондон турнирін жеңіспен бастады

2021 жылдың 15 маусым 2021 20:10

ОРАЛ. ҚазАқпарат – Қазақстанның бірінші, әлемнің 39-ракеткасы Александр Бублик Лондон ATP 500 турнирін жеңіспен бастады, деп хабарлайды ҚазАқпарат тілшісі.

Қазақстандық теннисші алғашқы айналымда әлемнің 59-ракеткасы, франциялық Жереми Шардимен кездесті.

А.Бублик 1 сағат 43 минутқа созылған тартысты матчта 6:4, 3:6, 6:3 есебімен жеңіске жетті.

Қазақстандық теннисші бәсеке барысында 24 эйс жасап, 6 брейк-пойнттың үшеуін пайдаланды. Қарсыласы 7 эйс, 2 брейкпен шектелді.

А.Бублик жүлде қоры 1,3 млн еуроға жуықтайтын жарыстың ширек финалына шығу үшін дүниежүзілік рейтингте 309-орында тұрған ұлыбританиялық Джек Дрэйпермен таласады. Ол әлемнің 23-інші, осы айтулы доданың 3-ракеткасы, 19 жастағы италиялық Янник Синнерді 7:6, 7:6 есебімен ұтып кетті.

Лондон додасы 20 маусымда мәреге жетеді.

Еске сала кетейік, бұдан бұрын Қазақстаннан Олимпиадаға қатысатын теннисшілердің анықталғанын, Денис Евсеевтің Алматы турнирінің екінші айналымына шыққанын жазған болатынбыз.


Автор Елжан Ералы
Басты сөздер: Спорт,
Жоғары қарай