Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Александр Бублик Лондон турнирінің ширек финалына шыға алмады

2021 жылдың 16 маусым 2021 23:25

НҰР-СҰЛТАН. ҚазАқпарат – Қазақстанның бірінші, әлемнің 39-ракеткасы Александр Бублик Лондон ATP 500 турнирінің ширек финалына шыға алмады, деп хабарлайды ҚазАқпарат тілшісі.

Қазақстандық теннисші екінші айналымда дүниежүзілік рейтингте 309-орында тұрған, додаға арнайы шақыртумен қосылған 19 жастағы ұлыбританиялық Джек Дрэйпермен кездесті.

Бірінші партияда ұлыбританиялық теннисші 7:6 (7:5) есебімен басым түсті.

Д.Дрэйпер тай-брейкке ұласқан екінші сетте де ойын тізгінін уысынан шығарған жоқ – 7:6 (7:0).

Бәсеке 1 сағат 33 минутқа созылды.

Матч барысында А.Бублик 21 эйс жасап, 3 брейк-пойнттың біреуін ғана өз пайдасына шеше алды. Қарсыласы 6 эйс, 1 брейкпен шектелді.

Д.Дрэйпер жартылай финалға шығу үшін тағы бір ұлыбританиялық Кэмерон Норримен таласады. Ол ресейлік Аслан Карацевті 7:5, 6:2 есебімен ұтты.

Еске сала кетейік, бұдан бұрын Александр Бубликтің Лондон турнирін жеңіспен бастағанын, Елена Рыбакинаның Берлин жарысының екінші айналымына шыққанын жазған болатынбыз.

Сондай-ақ Алматы турнирінің ширек финалына шыққан ойыншылар анықталды.




Автор Елжан Ералы
Басты сөздер: Спорт,
Жоғары қарай