Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Александр Недовесов Германиядағы турнирдің финалына шықты

2021 жылдың 20 тамыз 2021 23:17

НҰР-СҰЛТАН. ҚазАқпарат – Қазақстандық Александр Недовесов жұптық сында Люденшайд (Германия) челленджер турнирінің финалына шықты, деп хабарлайды ҚазАқпарат тілшісі.

Осы жарыстың 1-ракеткалары А.Недовесов пен украиналық Денис Молчанов жартылай финалда германиялық Андре Бегеманн – франциялық Альбано Оливеттимен шеберлік байқасты.

Қазақстандық-украиналық жұп тартысты өткен матчта 7:6 (7:4), 7:5 есебімен жеңіске жетті.

Сағат жарымға созылған бәсекеде А.Недовесов пен Д.Молчанов 1 эйс жасап, 8 брейк-пойнттың екеуін өз есептеріне жазды. Қарсыластары 3 эйс, 1 брейкке (9 брейк-пойнт) қол жеткізді.

А.Недовесов пен Д.Молчанов финалда хорватиялықтар Иван мен Матей Шабанов немесе мексикалықтар Ханс Хах – Мигель-Анхель Рейес-Варела жұптарының қай жеңгенімен кездеседі.

Еске сала кетейік, бұдан бұрын Александр Недовесовтің Германиядағы жарыстың жартылай финалына шыққанын, Зарина Диястың Чикаго турнирінің ширек финалына өткенін жазған болатынбыз.

Ал Елена Рыбакина Цинциннати мастерс турнирінің ширек финалына шыға алмады.

Автор Елжан Ералы
Басты сөздер: Спорт,
Жоғары қарай