Ауа райы
Астана 9 °С
Алматы 18 °С
валюта бағамы
USD 421.58
EUR 496.83
RUB 5.53
CNY 62.20

Теннис: Путинцева АҚШ-тағы турнирдің ширек финалына шыға алмады

2020 жылдың 14 тамыз 2020 00:31

НҰР-СҰЛТАН. ҚазАқпарат – Қазақстандық Юлия Путинцева Лексингтон (АҚШ) турнирінің ширек финалына шыға алмады, деп хабарлайды ҚазАқпарат тілшісі.

Әлемнің 33-ракеткасы Ю.Путинцева екінші айналымда рейтингте 63-орында тұрған швейцариялық Жиль Белен Тайхманмен күш сынасты.

Кездесу барысында швейцариялық теннисші алты брейк жасап, 6:2, 6:2 есебімен жеңіске жетті. Ю.Путинцева екі брейкке қана қол жеткізді.

Бәсеке 1 сағат 28 минутқа созылды.

Спортшылардың бұдан бұрын жолдары тоқайласпаған болатын.

Швейцариялық теннисші ширек финалда америкалықтар Джессика Пегула немесе Кэтрин Беллистің біреуімен шеберлік байқасады.

Лексингтон жарысы (жүлде қоры – 202 мың АҚШ доллары) 16 тамызда мәреге жетеді.

Еске сала кетейік, бұдан бұрын Ю.Путинцеваның АҚШ-тағы жарысты жеңіспен бастағанын жазған болатынбыз.




Автор Елжан Ералы
Басты сөздер: Спорт,
Жоғары қарай