Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Путинцева Римде аса тартысты матчта жеңіліп қалды

2021 жылдың 10 мамыр 2021 18:20

НҰР-СҰЛТАН. ҚазАқпарат – Қазақстандық, әлемнің 34- ракеткасы Юлия Путинцева Рим WTA 1000 турнирінің екінші айналымына шыға алмады, деп хабарлайды ҚазАқпарат тілшісі.

Ю.Путинцева алғашқы айналымда әлемнің 35-ракеткасы, АҚШ-тың жас жұлдызы, 17 жасар Кори Гауффпен күш сынасты.

Аса тартысты өткен матчта бірінші партияда К.Гауфф басымдылық танытты – 7:5. Екінші сетте қазақстандық теннисші есе қайырды – 6:4.

Үшінші, шешуші партияда есеп 5:3 болған мезетте америкалық спортшы матчқа доп бергенде, Путинцева брейк жасай алды. Алайда келесі геймде К.Гауфф брейк жасап кетті – 6:4.

Бәсеке 2 сағат 57 минутқа созылды.

Кездесу барысында америкалық теннисші 8, Юлия 7 брейк жасады.

К.Гауфф екінші айналымда әлемнің 19-ракеткасы, грекиялық Мария Саккари немесе рейтингте 74-орындағы словениялық Полона Херцогтың біреуімен шеберлік байқасады.

Тағы бір қазақстандық, рейтингте 665-сатыда тұрған Ярослава Шведова әлемнің 97-ракеткасы, италиялық Мартина Тревизанмен кортқа шығады.

Еске сала кетейік, бұдан бұрын қазақстандық теннисшілердің Рим турниріндегі қарсыластары анықталғанын, Александр Бубликтің әлемдегі үздік 40 теннисшінің қатарына кіргенін

жазған болатынбыз.




Автор Елжан Ералы
Басты сөздер: Спорт,
Жоғары қарай