Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Ролан Гаррос турнирі бір аптаға кейін шегерілді

2021 жылдың 8 сәуір 2021 23:00

НҰР-СҰЛТАН. ҚазАқпарат – Теннистен Ролан Гаррос турнирі бір аптаға кейінге шегерілді, деп хабарлайды ҚазАқпарат тілшісі.

Жарысты ұйымдастырушылар мәлім еткендей, Франция ашық чемпионатының іріктеу сайыстары 24-28 мамырда өтеді. Ал негізгі турнир 30-ында басталып, 13 маусымда мәреге жетеді.

Франция Президенті 31 наурыз күні сөйлеген сөзінде денсаулық сақтау саласында жағдай жақсарған жағдайда мамыр айының ортасынан бастап мәдени және спорттық шаралардың кестеге сәйкес бірте-бірте жанданатынын жария еткен болатын. Соған байланысты Ролан Гарросты ұйымдастырушылар турнирді бір аптаға шегеріп, осылайша жарысты тамашалаушылар көбейеді деп үміттенеді.

Ролан Гаррос немесе Франция ашық чемпионаты – жыл сайын өтетін төрт «Үлкен дулыға» турнирінің бірі.

Өткен жылы да дода пандемияға байланысты кейінге қалдырылып, күзде өткен болатын.

Еске сала кетейік, бұдан бұрын Ю.Путинцеваның Чарльстон турнирінің ширек финалына шыққанын жазған едік.

Автор Елжан Ералы
Басты сөздер: Спорт,
Жоғары қарай