Ауа райы
Астана 0 °С
Алматы 5 °С
валюта бағамы
USD 389.98
EUR 434.01
RUB 6.10
CNY 55.04

Теннис: Рыбакина Ухань турнирін сәтті бастады

2019 жылдың 22 қыркүйек 2019 19:23

НҰР-СҰЛТАН. ҚазАқпарат - Қазақстандық Елена Рыбакина Қытайдағы Ухань турнирін сәтті бастады, деп хабарлайды ҚазАқпарат тілшісі.

Әлемнің 49-ракеткасы Е.Рыбакина алғашқы айналымда дүниежүзілік рейтингте 108-орында тұрған қытайлық Чжу Линьмен кездесті.

Бірінші партияда қазақстандық теннисші 7:5 есебімен басымдық танытса, екіншісінде корт иесі есе қайырды - 6:2.

Есесіне үшінші сетте Рыбакина бет қаратқан жоқ - 6:0.

Бәсеке 1 сағат 50 минутқа созылды.

Е.Рыбакина екінші айналымда әлемнің 21-ракеткасы, хорватиялық Донна Векич немесе кезінде рейтингте көш бастаған, қазір 43-сатыда тұрған Беларусь елінің өкілі Виктория Азаренконың біреуімен шеберлік байқасады.

Еске сала кетейік, бұдан бұрын Юлия Путинцеваның Осака турнирінің жартылай финалына шыға алмағанын жазған болатынбыз.

Ю.Путинцева да Ухань жарысында өнер көрсетеді. Ол бастапқы кездесуін ресейлік Светлана Кузнецовамен өткізеді.

Автор Елжан Ералы
Басты сөздер: Спорт,
Жоғары қарай