Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Токио-2020: Елдос Сметов жартылай финалға шықты

2021 жылдың 24 шілде 2021 10:39

ТОКИО. ҚазАқпарат – Токиодағы Олимпиада ойындарында 60 келі салмақта өнер көрсетіп жатқан дзюдошы Елдос Сметов ширек финалда кореялық қарсыласын сүріндірді, деп хабарлайды ҚазАқпарат тілшісі.

Ширек финалда Елдос Сметов Оңтүстік Кореяның үміті Ким Вон Джинмен белдескен болатын. Қазақстандық дзюдошы қарсыласын «иппон» әдісімен ұтып кетті.

Енді ол жартылай финалда татами иесі – жапониялық Наохиса Такатомен айқасады. Жапон спортшысы Наохиса Такато әуелі Еуропа чемипонатының жүлдегері бельгиялық Йорре Ферстрэтенді ұтса, ширек финалда грузиялық Лухуми Чхвимианиден басым екенін дәлелдеген болатын. Сондай-ақ, Наохиса Такато Рио Олимпиадасында қола медаль еншілеген еді. 2017 жылғы әлем чемпионы деген атағы да бар.

Сондай-ақ, боксшы Серік Теміржанов та өзінің алғашқы жекпе-жегін жеңіспен аяқтады.




Жоғары қарай