Ауа райы
Астана -16 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Тұңғыш рет түрколог студенттер құрылтайы өтуде

2020 жылдың 4 қыркүйек 2020 18:19

НҰР-СҰЛТАН. ҚазАқпарат - Бүгін Халықаралық Түркі академиясының қолдауымен алғаш рет өткізіліп жатқан «Тұңғыш түрколог студенттер құрылтайы» басталды. Бұл туралы ҚазАқпарат Түркі академиясына сілтеме жасап хабарлайды.

Түркі әлемінің танымал ғалымдары бас қосқан шараның салтанатты ашылуына Академия басшысы Дархан Қыдырәлі арнайы қатысып, құттықтау сөз сөйлеп, тұңғыш құрылтай жұмысына сәттілік тіледі.

Қыркүйек айының 4-5 күндері аралығында өтетін аталған онлайн құрылтайда Әзербайжан, Қазақстан, Қырғызстан, Түркия және Өзбекстан елдерінің түркология мамандығында оқитын студенттер түркі халықтарының фольклоры, әдебиеті, тіл білімі және дәстүрі бағыттарында баяндама жасап, пікір алмасады.

Айта кету керек, мамыр айының аяғында Халықаралық Түркі академиясы Түркітану кафедраларының кеңесін құрып, алғашқы жиынын өткізген еді.

Онлайн форматта өткен жиында түркі тілдес елдердің Тіл білім институттары мен танымал университеттеріндегі түркология кафедраларының меңгерушілері қатысып, қазіргі түркология саласы бойынша білім беру процесіндегі мәселелерді талқылаған болатын. Аталған тұңғыш құрылтай сол жиында қабылданған шешімдердің жүзеге аса бастағанының көрінісі.


Басты сөздер: Түркі елдері, Жастар,
Жоғары қарай