Ауа райы
Астана 11 °С
Алматы 26 °С
валюта бағамы
USD 412.55
EUR 468.66
RUB 5.79
CNY 58.80

Түркі әлемі музыканттары «Үш қоңыр» әнін орындап, Елбасын құттықтады

2020 жылдың 6 шілде 2020 23:14

НҰР-СҰЛТАН. ҚазАқпарат - Түркі әлемі елдерінің әртістері сөзін Нұрсұлтан Назарбаев, ал музыкасын Алтынбек Қоразбаев жазған «Үш қоңыр» туындысын орындау арқылы Қазақстанның Тұңғыш Президенті - Елбасын 80 жылдық мерейтойымен құттықтады, деп хабарлайды ҚазАқпарат тілшісі.

Қазақстан, Әзербайжан, Қырғызстан, Өзбекстан, Түрікменстан, Түркия, РФ субъектілері саналатын Башқұртстан, Татарстан, Якутия және Гагаузияның (Молдава) 50-ден астам музыканты мен солисі қазақ туындысын жаттап, орындап, оны смартфон арқылы жазып жіберген. Содан кейін файлдар бір бейнебаянға топтастырылған.

Жоба режиссері - ТҮРКСОЙ ұйымының режиссері, Қазақстанның еңбек сіңірген қайраткері Арман Нұрмахаматұлы болды.

ТҮРКСОЙ халықаралық ұйымының «Музыкалық достастық» ұранымен өткен кезекті халықаралық жобаға елорданың «Қорқыт» этно-фольклорлық ансамблі, Алматы қаласының «Сазген сазы» этно-фольклорлық ансамблі, Түркі әлемінің талантты жас музыканттарынан жасақталған ТҮРКСОЙ халық аспаптары оркестрі, Нұр-Сұлтан қаласы әкімдігінің мемлекеттік академиялық филармониясы қатысты.

Жобаға қатысқандар:

Қазақстаннан:

Ерлан Рысқали - ҚР еңбек сіңірген қайраткері.

Назым Сағынтай - «Астана Опера» мемлекеттік опера және балет театрының солисі.

Жақсыгелді Маясаров - республикалық конкурстардың лауреаты, Нұр-Сұлтан қаласы әкімдігі мемлекеттік академиялық филармониясының солисі.

Айнұр Әбілдаева - республикалық конкурстардың лауреаты, Түркістан облыстық Ш.Қалдаяқов атындағы облыстық филармонияның солисі.

Аяулым Құнанбаева - «Алатау» дәстүрлі өнер театрының мульти-аспапшысы.

Әзербайжаннан:

Намиг Асланов - халықаралық және республикалық конкурстардың лауреаты.

Шахрияр Мусаев - халықаралық және республикалық конкурстардың лауреаты.

Руслан Зарбалиев - халықаралық және республикалық конкурстардың лауреаты.

Эльнур Алиев - халықаралық және республикалық конкурстардың лауреаты.

Қырғызстаннан:

Жанар Туратова - Т.Сатылғанов атындағы қырғыз мемлекеттік филармониясының солисі.

Динара Тилекеева - халықаралық және республикалық конкурстардың лауреаты.

Гүлшан Таалайбекова, Әйгерім Мұхтардинқызы, Сайкал Әбілқасымова, Шолпан Мелісбекова - «Акак» қобызшылар ансамблінің солистері, халықаралық және республикалық конкурстардың лауреаттары.

Өзбекстаннан:

Хулькар Абдуллаева - Хорезмнің танымал әншісі, « Nihol» мемлекеттік сыйлығының иегері.

Эсминара Мустафаева - халықаралық және республикалық конкурстардың лауреаты.

Ровшан Юнусов - «Аббос» ансамблінің жетекшісі.

Түрікменстаннан:

Гулярам Балтаева - халықаралық конкурстардың лауреаты.

Түркиядан:

Эмир Чигнер - «баглама» муызканты, халықаралық және республикалық конкурстардың лауреаты.

Башқұртстаннан (РФ):

Зилия Бахтиева - халықаралық және республикалық конкурстардың лауреаты.

Татарстаннан (РФ):

Фарида Шайхутдинова - Татарстан Республикасының Мемлекеттік ән мен би ансамблінің солисі.

Айдар Сулейманов - Татарстанның еңбек сіңірген әртісі.

3. Зарина Хасаншина - халықаралық және республикалық конкурстардың лауреаты.

Саха-Якутиядан (РФ):

Юлиана Кривошапкина - әлем виртуозы, этно әнші.

Гагаузиядан (МОЛДОВА):

Игорь Подгореану - халықаралық конкурстардың лауреаты.


Жоғары қарай