Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында 250 млн теңге субсидияны жымқырған

2021 жылдың 2 желтоқсан 2021 12:01

НҰР-СҰЛТАН. ҚазАқпарат – Әлеуметтік төлемдерді, ауыл шаруашылығы саласындағы мемлекеттік субсидияларды және өзге де бюджет қаражатын жымқыруға қарсы іс-қимыл мақсатында Қаржылық мониторинг агенттігі «Қазына» жедел-іздестіру іс-шараларын жүргізуде, деп хабарлайды ҚазАқпарат ҚР ҚМА баспасөз қызметіне сілтеме жасап.

Агенттіктің Түркістан облысы бойынша аумақтық департаментінің қызметкерлері «Қазына» жедел алдын алу шарасы аясында «Сыбаға» мемлекеттік бағдарламасы бойынша бөлінген қаражатты жымқыру дерегінің жолын кесті.

Атап айтқанда, Е.Күзенбаев пен Р.Пайсханов «Балабоген-7» ЖШС атынан «Аграрлық несие корпорациясы» АҚ-нан асыл тұқымды мал сатып алуға 380 миллион теңге несие қаражатын алған. Корпорацияға бұл қаражатты Ресей Федерациясынан ІҚМ сатып алуға «Меркит» ЖШҚ шотына аудару туралы жалған құжаттар ұсынылды.

Бұдан әрі, несие шартының бір бөлігін жабу үшін Түркістан облысы әкімдігінің ауыл шаруашылығы басқармасынан 131 миллион теңгеден астам сомаға мемлекеттік субсидиялар алынды.

Бұл ретте, 585 бас ІҚМ нақты сатып алынған жоқ, жануарларды есепке алу дерекқорына жалған мәліметтер енгізілді.

Нәтижесінде 250 миллион теңге жымқырылған және мақсатқа сай пайдаланылмаған.

Р. Пайсханов 6 жылға, Е. Күзенбаев 5 жылға бас бостандығынан айырылды.


Жоғары қарай