Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында 800 мың адам коронавирусқа қарсы вакцина алды

2021 жылдың 16 қыркүйек 2021 23:51

ТҮРКІСТАН. ҚазАқпарат - Еліміздегі егу көрсеткіші бойынша Түркістан облысы көш бастап тұр. Бұл туралы ҚазАқпарат әкімдікке сілтеме жасап хабарлайды.

Еліміздегі егу көрсеткіші бойынша Түркістан облысы көш бастап тұр. Соңғы мәліметтер бойынша, вакцинаның бірінші құрамын 830 мыңға жуық адам қабылдады. Ал екінші компоненін 640 мың адам салдырған.

Бүгінде өңір тұрғындары ресейлік «Спутник V», отандық QazVac, Sinopharm компаниясының HayatVax екпесі, Қытайдың CoronaVac және Sinopharm компаниясының Vero Cell вакцинасын қабылдай алады.




Бүгінде өңір «жасыл аймақта» тұр. Өткен тәулікте 45 азамат қатерлі COVID-19 індетінің құрығына ілікті. Тәуліктік өсім 0,33 % құрайды. Қазір инфекциялық стационарларда барлығы 2020 орын бар. Мұнда 724 науқас ем қабылдап жатыр.

Жалпы пандемия белең алғалы коронавирус жұқтырғандар саны 13 653 адамға жетті. 7157 науқаста аурудың белгілері болмаған. Сондай-ақ, бүгінге дейін 1 008 452 адамнан ПТР сынамасы алынған. Соңғы тәулікте зертханаларда 2392 адам тексерілді.








Жоғары қарай