Ауа райы
Астана -9 °С
Алматы -12 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында бір тәулікте 2,5 мыңға жуық адам коронавирусқа тест тапсырды

2020 жылдың 23 қараша 2020 22:10

ТҮРКІСТАН. ҚазАқпарат – Соңғы апта ішінде Түркістан облысында коронавирус жұқтырғандар саны өскен. Бұл туралы облыстық қоғамдық денсаулық басқармасының басшысы Марат Пашимов айтты, деп хабарлайды ҚазАқпарат тілшісі.

Басқарма басшысының айтуынша, бүгінде өңірдегі инфекциялық стационарларда 6 науқас Covid-19 инфекциясынан және 28 адам вирусты пневманиядан ем қабылдауда. Зертханаларда өткен тәулікте 2 233 адам коронавирустық инфекцияға сынама тапсырған.

«Екеуінен оң нәтиже шықты. Бүгінгі таңға облыста тест қалдығы 76 763-ті құрайды. Жалпы, Түркістан облысында пандемия басталғалы бері COVID-19 індетін жұқтырған 3 461 науқас тіркелген. Жазылып шыққандар саны 3 378. Індеттің ықтимал екінші толқынына дайындық мақсатында өңірде медициналық ұйымдардың материалдық-техникалық базасы үздіксіз жабдықталуда»,-деді Марат Пашимов.







Облыста тағы 8 ауруханада қосымша оттегі станциялары орнатылған. Сондай-ақ, 80 бірлік оксигенация аппараты (HI-FLOW) сатып алынды. Бұдан бөлек, оттегі концентраторларының саны 900-ге жеткізіліп, оттегі нүктелерінің саны 2 095 нүктеге дейін арттырылған. Барлық емдеу мекемелерінде 2-3 айлық дәрі-дәрмек қоры дайын. Жедел-жәрдем қызметіне 122 автокөлік қамтамасыз ету жоспарланып, бүгінгі күнге 77 автокөлік жеткізілді.











Жоғары қарай