Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Түркістан облысында да бұзақылар жолды жаппақшы болған

2022 жылдың 11 қаңтар 2022 19:46

ТҮРКІСТАН. ҚазАқпарат – Елде орын алған жаппай тәртіпсіздік кезінде Түркістан облысында да бұзақылар жолды жаппақшы болған, деп хабарлайды ҚазАқпарат тілшісі.

Шеру кезіндегі жағдайды пайдаланған бұзақылар Жетісай, Арыс, Сарыағаш аудандарында, Кентау және Түркістан қалаларында бүлік шығаруға тырысты. Мәселен, облыс орталығында 500-ден астам адам көшеге жиналып, жолдарды, сондай-ақ теміржолдарды жаппақшы болған.
Бұл туралы Түркістан облысының коменданты, полиция генерал-майоры Қайрат Дәлбеков айтып берді.
«Полицейлердің алдында қоғамдық тәртіпті бұзуға жол бермеу және азаматтардың қауіпсіздігін қамтамасыз ету міндеті тұрды. Ал мұны полицейлер мүлтіксіз орындады. Нақты және жедел іс-әрекеттердің арқасында жеке құрам қызметкерлері шұғыл қимылдап, жаппай тәртіпсіздік пен заң бұзушылыққа мүлде жол бермеді», - деді Қ.Дәлбеков.
Жалпы, төтенше жағдай енгізілген уақыттан бері полиция бөлімдеріне түрлі құқық бұзушылықтармен 900-ден астам адам жеткізілген. Оның ішінде 329 адам төтенше жағдай режимін бұзғаны үшін әкімшілік жауапкершілікке тартылған.
Бүгінгі таңда Түркістан облысы аумағындағы жағдай тұрақты.


Жоғары қарай