Ауа райы
Астана 11 °С
Алматы 17 °С
валюта бағамы
USD 443.50
EUR 479.47
RUB 5.79
CNY 62.51

Түркістан теміржол вокзалын абаттандыру жұмыстары  басталды

2020 жылдың 11 ақпан 2020 18:59

ТҮРКІСТАН. ҚазАқпарат - Түркістан қаласындағы теміржол вокзалы алдындағы аллеяны абаттандыру жұмыстары басталып кетті, деп хабарлайды ҚазАқпарат Өңірлік коммуникациялар қызметіне сілтеме жасап.

Абаттандыру жұмыстарының барысында аяқжол төсеу, жарық көздерін және орындықтар мен қоқыс жәшігін орнату, кіші архитектуралық пішіндер қою жоспарлануда. Сонымен қатар, су ұңғымасы қазылып, декоративті ағаш көшеттері отырғызылып, шым төселетін болады.

Алдағы уақытта, теміржол вокзалының ішкі жүйесі де заманауи талапқа сәйкестендіріледі. Қалаға келген туристер үшін ақпарат алу бекеті (ресепшн) сынды жүйелер қойылады деп күтілуде.
Айта кетейік, күрделі жөндеуден өткен аллея Наурыз мерекесі қарсаңында пайдалануға беріледі деп жоспарланып отыр.


Басты сөздер: Туризм, Түркістан облысы,
Жоғары қарай