Ауа райы
Астана 16 °С
Алматы 28 °С
валюта бағамы
USD 412.55
EUR 468.66
RUB 5.79
CNY 58.80

Түркістанда инновациялық жобалар байқауы өтіп жатыр

2020 жылдың 29 ақпан 2020 18:19

ТҮРКІСТАН. ҚазАқпарат - Түркістан қаласындағы Қ.А.Ясауи атындағы Халықаралық қазақ-түрік университетінде инновациялық жобаларды қолдауға арналған «Yassawi Smart Tech» хакатоны басталды, деп хабарлайды ҚазАқпарат өңірлік коммуникациялар қызметіне сілтеме жасап.

Байқауды өткізу - Түркістан облысын цифрландыруға өз үлесін қоса алатын жаңа таланттар мен мамандарды анықтауға мүмкіндік береді. Жиынға облыс әкімінің орынбасары С.Қалқаманов, облыстық цифрландыру, мемлекеттік қызметтер көрсету және архивтер басқармасының басшысы Елнұр Өтебаев арнайы қатысып, бауқауда бақ сынаушыларға сәттілік тіледі.

Айта кетерлігі, хакатон – дизайнерлер, бағдарлама әзірлеушілер және басқа да мамандар үшін бірге жиналып, инновациялық жоба, өнім жасауға жақсы мүмкіндік. Бұл алаң дизайнерлерге, бағдарлама әзірлеушілерге және басқа мамандардың бір-бірімен танысуына, білім және идеялармен алмасуға немесе алдағы уақытта жұмыс істейтін бірлескен жобаны ойлап табуға көмектеседі. Сондай-ақ, іс-шара қандай да бір тақырыпқа немесе мәселеге мүдделі талантты және белсенді адамдардың желісін құруға көмектеседі. Қатысушылар үшін хакатон – бұл өздерінің қаншалықты жақсы маман екенін көрсету мүмкіндігі.
Байқау 2 күнге созылады. Хакатонға күллі республикадан 100-ге жуық оқушы қатысып отыр.
Қорытындысы бойынша жеңімпаздарға «Incraft» компаниясының Алматы қаласындағы 6 айлық тегін тағылымдамасынан өту мүмкіндігі беріледі. ІІ және ІІІ орын алғандарға «BilimBook» білім беру компьютерімен және «BilimBook light» планшеті табыс етіледі.
Түркістан облысының Өңірлік коммуникациялар қызметі





Жоғары қарай